4 октябрь көнө «Тура-Хан» визит-үҙәгенең амфитеатрында «Дала сазы» исемле камера концерттарының көҙгө циклы тамамланды. Финал аккорды булып оҙаҡҡа иҫтә ҡаласаҡ дуэт – Ганиатуллиндар династияһы.

Ҡурайҙа һәм ҡыл-ҡумыҙҙа уйнау – һәр саҡ үҙенсәлекле күренеш, ә уларҙың бергә яңғырауы республикабыҙ өсөн ғәҙәттән тыш хәл. Был кистә боронғо инструменттар терелеп, амфитеатрҙы башҡорт халыҡ йырҙары, классиктар әҫәрҙәре һәм башҡа халыҡтар музыкаһы менән тултырҙы.

Концерттан һуң үҙенсәлекле тойғоларын Зәлиә Ганиатуллина үҙе белдерҙе: «Хистәр тулы! Бөгөн мин һәм ирем «Тура-хан» визит-үҙәгенең амфитеатры майҙанында беренсе тапҡыр сығыш яһаныҡ. Был ябай бер сығыш ҡына түгел, ә тарихҡа ҡағылыу булды! Ойоштороусыларға йылы ҡаршылауҙары өсөн сикһеҙ рәхмәтлебеҙ».

«Дала сазы» үҙенең төп бурысын үтәне – музыканы күрһәтеп кенә ҡалмай, ә мәҙәниәт һәм тарих менән ысын, йәнле аралашыу тыуҙырыу урыны булдырҙы.

Фотоһы: https://vk.com/album-226634666_310314154